يا طاهرة
قومى يا طاهرة
حَيْدَنِسُوا بيبانك
رسموا دموع على
عيونك و حيطانك
وانا استحملت
تعبك على شانك
ولسة قاعد أأكدلك
مرساكى وعنوانك
عنوانك يا طاهرة فى
قلب كل حزين
رافع راسة عشانك
والف واحد وواحد
بينكسوا فى الطين
متمرمغين فى خيرك
وِيْسِنوا فى السكاكين
وحُرِّك يا طاهرة قلبة
لسة حزين
خايف لسكين تطعنة
فى قلبة
مانتى جواة فى
قلبة وحُّبُه
قومى يا طاهرة حيدنسوا بيبانك
هرمك علم فى كل البلاد
وجفيتى علىّ »ومتمرمغين
فى خيرك كل العباد
ونسرك.عالى ميراث الأجداد
اوعى تخليهم يقفوا
عليكى حداد
ذى غيرك كلهم راحوا
قتلوهم ولادهم ولا حتى
يوم باحوا
مهو لازم الام تضحى لأولادها
لكن انا بضحى على شانك
وبقول لازم يعلا كمان شأنك
وتبقى زى ذى الهرم واقفة مكانك
ولازم الام نحتفل باعيادها
لاكن اخدت انا جفاكى
واخدوا هما حنانك
شفتى بضحى كتير
ليرتفع شأنِكْ
وجفاكى علية مرار
ومرمى فى احْضانِكْ
ولما الأم تجفى على أولادها
مش حتغير مهو قلبى عنوانك
مهو لازم اتحمل مش إنتى أُمْىِ
ونيلك يا طاهرة بيجرى فى دمى
احكيلك
ذمان كنت فاكر جمالك
وتشيلى من هَمِّى
دلوقتى بدعيك يا غالية
وربى ما يخلف ظَنِّى
بس مش حسمح يِدَنِْسوا فيكى
عرقى لسة ما نشفشى فى اراضيكى
مهو انتى طاهرة وربنا الى حاميكى
قوليلى ادينى متحمل كيف ارْضِيكِىِ
مهو لاذم ارْضِيكى . مش انتى امى
وقلنا ان حبك فى شريانى ودمى
مستحمل انا بُخْلِكْ على ولادك و بزيادة
ياكلوا خيرك وانا راضى عشانك مهى عادة
طيب دة حب ليكى
خيافها تبقى سذاجة
طيب لية
تحرمى فقيرك . وياكلوا من خيرك
ويشِلوُّا تفكيرك مهو انتى وَلَّادة
نسيوا انى فى بردك عريان متغطيت
وغيرى متنعم بحريرك
ولا حتى يوم شكيت
وعاوزك.يا امى تبقى عمارة البيت
وفى شدتك واقف
اتحملت ولا بكيت
مين يبكى من امو
حتلام لو اشتكيت
صابر يا هبة النيل مهو كلوا من خيرك
مقدرشى اسيبك مهو مصيرى مصيرك
وانا رايتك المرفوعة مهما يِشِّلُوا تفكيرك
وحبقى امانك حتى فى سماكى لطيرك
متِْخِِّفِى يا طاهرة جلادك وِسَجَّانِك
مستنى على نيلك احساسك وحنانك
مهو نورك نورى لما يغطى اوطانك
مهو مين غيرى استحمل شمسك
على نيلك
وفى عز تعبك بكتبلك مواويلك
وفلاحك عرقوا سقى ارضك
على طينك
وبيقلك عرقى مسك بيفيح على ارضك
علشان تعرفى من معاكى ومين ضِدِّكْ
وجيشك واقف لو صهيونى لمس حدك
لية بتفرقى كلنا ولادك وطالبين ودك
قومى يا طاهرة حيدنسوا بيبانك
يبقى مين الى قلبوا عليكى
عز شدتك يستحمل يواسيكى
وعلشان ارْضِكْ بدموا يفديكى
وقاعدة سواعدهم فى جوعك جنبيكى
عرفتى ياطاهرة متخلهمشى
يضحكوا عليكى
ايمن الاسوانى
ليست هناك تعليقات:
إرسال تعليق