بتعاتبني؟ يا صاحبي.... إبراهيم خليل الشاعر

بتعاتبنى ؟ يا صاحبى
..................................
بتعاتبنى يا صاحبى  ؟
وانتا اللى جرحت قلبى .
لما هتكت عرض بلدى وشعبى .
بتعاتبى لما هجرت بيتى ؟
وكان مليان ..
 بــ اصحابى
وحبايبى
واخواتى .
واللمه الحلوه .
والموال والغنوه .
بس خدت كلامى عن ربانى .
وبلدى أمى ..
و أبويا اللى ربانى .
و مهما آسيت ولا عانيت ..
ولا منهم كنت اعانى .
تفضل بلدى أمى ..
و أبويا اللى ربانى .
ليه ترفع رايه سوده لبلادى ؟
وبلادك ..
أصلها برده بلادى .
كان بينها وبين ناصر وحده .
ولساها ويا بلادى لليوم ...
إيد واحده .
والوحده ..
ما كانت يوم بين بلادك وبلادى .
الوحده وحدة شعوب .
والشعوب سكنها القلوب .
مهما يبان ع الحكام عيوب .
كان نفسى افرح بالهديه .
واحطها بننى عينيه ..
واقول دى العيديه .
بس يا خساره ..
كأنى ما شفتها عينيه .
أصل جرح القلوب غالى .
والوطن وناسه ..
أغلى و أغلى من كل غالى .
واللى ما يخاف يوم على أرضه وناسه .
يبيع بالرخيص كل غالى .
.............................................
إبراهيم خليل الشاعر