الشحاتين....إبراهيم خليل الشاعر

الشحاتين

.......................

الشحاتين الشحاتين .

للخلق ايديهم .....

مادين .

فاكرين وياهم ..

ملايين .

-

يا شحاتين مش عارفين ؟

الخلق كمان شحاتين ؟

م المسئول يشحتوا العطف .

فاكرين ..

إنهم حنينين .

ومش عارفين ..

إن قلوبهم قاسيه .

وآسيه .

ولماضيهم ناسيه .

-

مش عارفين ..

يا شحاتين ..

تخدونا معاكوا .

نشحت وياكوا .

-

بس قولولنا .

سر المهنه ؟

لجل ما نصغر ..

بعيون ولادنا .

-

بس قولولنا نشحت ..

من مين ؟

-

كل الناس عايزه ..

يكونوا ..

شحاتين .

-

والمسئول بطنه..

بلاص ..

وِ زِير .

-

من دم الشعب ملاهم .

والملايين ..

وياهم كتير .

والحجه دايما ..

100 مليون بياكلوا .

وكله نفسه ..

يبقى وزير .

لجل يملى بطنه قد الزير .

-

والمسئول ..

بتهيأله الشعب ..

إحساسه ..

إحساس خنزير .

وِ وِسط الزحمه ..

مش عارفين .

مين مُرهف ؟

ومين خنزير ؟

............................

إبراهيم خليل الشاعر