صرخة أمل المستقبل....محمد مطاوع

صرخة أمل المستقبل
قصيدة زجلية باللهجة العامية.
   ///////////////////////////////////////
أطفالنا هُمّ أمالنا ياناس..لازم على طول نعطيهم
كل الحنان والحب كمان ..وف جوّه عنينا نحميهم
ونمد ليهم أيادينا .... ونعدي بحور الويل بيهم
تعالوا معايا نشوف أحوالهم.. في بلاد الدنيا وندعي لهم
حنروح أفريقيا نلاقي... هموم وهموم وهموم وهموم
الطفل عايش في مجاعة.. كأنه مقضي حياته ف صوم
والصحة هزيلة وتعبانة....ونلاقي فيه أمراض بالكوم
يااااارب ساعدهم واشفيهم.. من أمراضهم وداويهم

وفي القدس الأرض العربية.. فيها الأطفال مترميه
ودماهم سايلة محنيه...ع الرصفان متغطيه
وبورقة جورنال بقروش... تدارى زهرة منديه
والدول العظمى تقول فيتووو.. ومجلس الأمن يضيع صيته
والطفل العربي يروح دمه... ويضيع ويموت قدام امه
وهي بالحب تضمه....ويا خساااارة يا ابني وتقول له

علشان كده حنقول من تاني.. ونكرر ونعيد م الأول
أطفالنا هم أمالنا يا نااااس.. لازم على طول نعطيهم
كل الحنان والحب كمان..وف جوه عنينا نحميهم
       محمد مطاوع