دارميات..... للشاعرابو محمد الجابري

دارميات الجابري ابو محمد
ـــــــــــــــــــــــــــــــــــــــــــــ
حمل قطار الشــــــــوك من كلبي آلام
وصوب النحبهم سار 
من مدة أيام 
*****
أسمك صبح يهواي وطعمك طعم هيل
غرنوك وســـط الهور
ويغني يا ليل
*****
مو بيدي هذا الصار جمعتنه الأقــــدار
أهــــلك الما يرضون
والكلب محتار
*****
الكلب لو بيه باب ظل يمــــــه خطــار
شوف الدواخل بيه وشما
جــرى وصــار
*****
ما احجي آنه وياك تحاجيــــك العيون
الدمع ترس الموك
ويكلك اشلون؟
*****
أمحل وكتنه وفات وما ظلــــت وعود
الناس تمشي لغـــاد
وآنه امشي اردود
*****
تدريني آنه اهــواك مــن مـــــدة ايام
ليش البعد يهـــــــواي
حتى من الاحلام
*****
مصيوبه وك يقلان جبداتي طعـــنات
من يوم لحظك لاح شج
بيه فالات
****
يفلان غم الروح لتريــــد تنســـــــاك
وياك حــد المــــــــوت
وألهج بطرواك
*****
ـــــــــــــــــــــــــــــــــــــــــــــــــــــــــــــــــــــــــــــــــــ
الشاعر / ابو محمد الجابري
 ـــــــــــــــــــــــــ