قصيدة.../عايز تبعد
بقلم../عاطف بيومى محمد
عايز تبعد اتفضل ابعد
انا عمرى ما مسكت فيك
ولا قولتلك استني واقعد
ولا قولتلك انا بحلم بيك
انا قلبي ف حبك متحدد
ولا حسيت انو نبضه ليك
دى نبضاته حاسسها بتهدد
كأنها بتقولى الدور عليك
سور الحب دايما يتهد
وبيقتل كل اللى حواليه
مش ثابت ف مكانه وراكز
وبيعلب بكل اللى أمن بيه
وانا حسيت اني انا ضحية
والعشق اصلا لا ليا ولا ليه
بيجمع العشاق ف دفاتر
وبيضحك من كتر العدد فيه
قررات اني انا اللى ابعد عنه
ولا أن قلبي محسوب عليه
بانت الحكاية من لبتها
لما انا شوفت الغدر ف عنيه
ازاى كنت راضي ومستحمل
مع انو ف الغدر ده اصلا بي
ليست هناك تعليقات:
إرسال تعليق