عشانك يامصر....مصطفى احمد

؛؛؛؛؛؛عشانك يا مصر ؛؛؛؛؛؛؛؛؛

كلنا ف الشده جينا
رب واحد قلب واحد
سيبي بس الحمل لينا
قلبنا ع الحب  واخد

ندهه وحده هتلاقينا
فوق كتاف الغدر مد
نادي بس لاسامينا
تنزل الابطال  تهد

احنا من جدر الجدود
نيل بيروي شهد فينا
قلبنا الاخضر ورود
ايد محمد  ويا مينا

يد وحده ف كل محنه
كان كفاحنا يوم فرحنا
لما رجعت بينا سينا
وشد عمّر كام  مدينه

فرح بيداوي ف جروحي
انتي روحي وفرع زينه
بين حارتنا فوق سطوحي
يمسح الدمعه  الحزينه

بقلم مصطفي احمد