صباح بلدي....وائل عمر

أعيد نشرها اليوم بمناسبه عيد تحرير سينا
صباح بلدى
صباح الخير يا بلدى يا ست الكل
يا جنينه مزهره بنيلك لورد وفل 
صباح النور اللى شعاعه ف شيشك طل
صباح الخير يا ام ناصر وأم جاهين
صباح الخير على ولادك اللى ماتوا و العايشين
صباح النور على الفرعون اللى بنى صرح متين
يعيش لسنين
وموميا محنطه بدقه تعيش لقرون بسر دفين
صباح الخير على الجدعان وع الحلوين
لكن نقول لعدوك وحسادك وكارهينك صباح الطين
لو كانوا نسيوا نقولهم مساء حطين
مساء لويس فى دار لقمان اللى رجع لبلاده حزين
صباح الخير على  ولادك وعلى جنودك وع السادات
صباح منى بتلات وردات زائد سبعين
صباح الخير على  قطز اللى خلا المغول فروا
كما الافات شمال ويمين
صباح النور اللى انا شايفه فى دربك هل
ينور شعله لولادك تزيدك ضى
راح ترجعى مناره الكون وهتكوى عدوك كى
وهتلمى أخواتك جانبك
وزامنا اللى هيكون جاى
شعله نقدها للعالم علم ونور
لانعرف خبث ومكايد ولا نعرف فى شغل الزور
نرجع تانى زى ما كنا مناره الكون.
مناره علم للدنيا مناره نور(وائل عمر)