امي....عبد الرحيم النجار

«««امى»»»
امى يا غالية عليه 
أغلى من روحى وعنيه
واقرب حتى منى ليه
افديكى بدمى ويبقى شوية
بحبك اوى يا امى
يا ساكنه قلبى ودمى
وشايله كمان تعبى وهمى
ربي يخليكى ديما ليه
امى يا غالية عليه
اغلى من روحى وعنيه
بتحسى بيا منغير متكلم
تتألمى عشانى لو بتألم
حبك الناس منه تتعلم
يعنى ايه حب وحنيه
تباتى سهرانه لو تعبان
وتنزل دموعك لو فرحان
يا نعمه من الرحمن
وانتى امى اجمل هدية
امى يا غالية عليه
اغلى من روحى وعنيه
تحسى وجعى قبل منى
رعتينى من صغرسنى
على رضاكى ربى يعينى
دا انتى حماله الاسيه
لو بعدت عنك متنميش
بعمرك تدينى عشان اعيش
والدنيا من غيرك متسويش
لو بعدت عنك شوية
امى يا غالية عليه
اغلى من روحى وعنيه
امى يا ست الحبايب
فى حبك انا دايب
قلبك حاضر ولو غايب
بدعى ربى يحفظك ليه
وبهنى كل ام عربية
مصرية سعودية او ليبيه
كويتيه قطريه او مغربيه
بحيي امى الست الفلسطينية
ديما صامده وكمان قوية
وامى السودانية واختها جزائريه
والتونسية فخر امتنا العربية
وامى البحرنيه غالية عليه
عمانيه تسلم على اليمنية
وامى الصابرة العراقية وأبييه
محتاجه نفتكرهها لو شوية
واوعوا تنسوا امى السورية
دموعها تملى بحور ميه
على ولادها راحوا ضحيه
والامارتيه ليها الف تحية
وبسلم على امى الاردنية
بنت الاصول نسل الهاشمية
وكمان بحييى امى اللبنانية
الموريتانية ليها سلام وتحيه
تحيه لكل ام عربيه
ويارب متكون ام منسيه
انتم من ربنا هدية
 ليكم منى مليون تحيه