عاميه .. واقعية الى حد الألم
....
قالولنا زمان .. أرضنا تشبه النخله
وكل سعافها بتلسوع حدود الغيم
كبرنا وكلنا فتوات .
وماليين الحياه شعارات
صهاينة مين
وانا المسنود على اخواتي
ولاد حطين
نقرمشهم
وننتف منهم ريشهم
ونمسخ حدهم تاني
بعبور تشرين
وقت الجد اقول ياسعود
فرات هاشمين
شماغكم عمره ماتلوث
ومش ممكن يعيش في الطين
....
كبرنا وكبرت اللمه
وجات ع الامه مية غمه
وكل الدرس كان إنشا
كلام مكتوب في كراستي
سنين وسنين
تقولش الناس بتتبدل بقت اصنام
وحتى الفزعه صلبوها سنين قدام
صابتني التوهه وانا شايف بعيني الدم
ملاني الهم في الصدمه وهول الكم
منيش عارف منيش فاهم
منيش شايف
ولاد العم
ومر القدس قدامي بيسحلوا فيه
وعرض عروبتي على عيني يتاجرم بيه
صرخت وصرختي دبحت حدود الغيم
صرخت وقلت صحوني كابوسي اليم
اتاري النخله قطعوها ومن مده
سعافها نسيت النخوه وبقت فلقين
....... تحياتي للجميع بقلمي / ياسر السمطي
ليست هناك تعليقات:
إرسال تعليق